Бурхан урлаач гэдгээрээ олонд танигдсан Д.Ухаанзаяа энэ жил 45 настай. Сар орчмын өмнө өөрөөсөө 20 насаар дүү залуу амрагтайгаа цэнгээний газар зугаацаж буйгаа дэлгэсэн тэрээр сүүлийн үед хаана ч явсан эрх хонгор бүсгүйгээ эрхлүүлж явдаг болжээ.
Өөрөөр хэлбэл, муу нуухаар сайн илчил гэдэг шиг залуу найз бүсгүйгээ энд тэндэхийн арга хэмжээнд дагуулж явах болсон байна.
Уг нь тэрээр анхны гэргийтэйгээ олон удаа сэтгүүл сонины нүүр чимж, “Манай гэр бүлийн хүнийг Энх-Од гэдэг. Нисэхийн ерөнхий газрын хамгийн анхны нисэхийн эмэгтэй удирдагч. Монголын газар нутгаар орж ирж байгаа бүх л олон улсын онгоцны бууж, суух чиглэлийг удирддаг, өндөр, нам, хурд гээд бүх зүйлийг зохицуулдаг хариуцлагатай ажил хийдэг. Ленинградын Нисэхийн академийг төгсөж ирээд Нисэхийн ерөнхий газар 20 гаруй жил ажиллаж байна. Бид нэг хүүтэй” хэмээн ярьж байв. Эх сурвалжийн мэдээллээр, түүний залуу амраг нь ганц хүүгээс нь насаар дүү гэсэн шүү.
