УДЭТ-ын жүжигчин Г.Отгонцэцэг “Хувьсал” продакшинд хамт харьяалагдаж явсан жүжигчин Б.Одбаяртай амьдралаа холбож хүүгийн ээж болсон байдаг. Тэрбээр нөхөр хүүхдийнхээ хамтаар Америк оронд амьдарч эхэлсэн. Тэгвэл хосууд маань зуны амралтаараа эх орондоо ирж түр саатаад байгаа аж.
Хэдийгээр уран бүтээлээсээ хэсэг хугацаанд чөлөө авсан ч алс холын нутагт драмын театраа санагалзан суудаг нь түүний үг үйлдлээс тодхон харагддаг. “Хувьсал” продакшнаас гарч УДЭТ-ын хаалгыг татсандаа огтхон ч харамсдаггүй жүжигчин бүсгүйг үзэгчид “Орхидос”-ын хойд ээж, “Аюултай харилцаа”-н нууц амраг зэрэг эсрэг талын дүрээр нь илүүтэй мэддэг.
Сайхан бүсгүйн 21 шинжээс 20 шинж нь надад байгаа хэмээсэн жүжигчин бүсгүй АНУ-ын Конгрессын танхимын өмнө үндэсний дээлээрээ бахархаж Монгол түмнээ омогшуулаад авсан билээ.
