Бодибилдингийн спортын Олон улсын хэмжээний мастер, Гавьяат тамирчин Г.Угалзцэцэг хэдхэн хоногийн өмнө эх орноо төлөөлөн охины хамт явсан билээ.
Тус тэмцээнд тун амжилттай оролцсон тэрээр өөрийн цахим хуудаснаа “MR.Olympia ын тайз буюу бодибилдинг фитнесийн хамгийн том,бусад спортоор бол олимп нь гэгдэх мөрөөдлийн тайзан дээрээсээ топ 5 буюу 4-р байрын медальтай буулаа. Охин маань бикини ангилалын C ангилалд топ 5 д орлоо” хэмээн бичсэн байдаг.
Тэгвэл бодибилдингийн спортод гэр бүлээрээ зүтгэж яваа ээж охин хоёр эх орондоо иржээ. Тэднийг Г.Угалзцэцэгийн хань Г.Мөнгөнбаяр, охин М.Мойлоогын нөхөр, хүргэн хүү Цацаа нар угтаж авчээ.
Г.Угалзцэцэгийн амжилтын ард байдаг түүний нөхөр удам дамжсан зураач. Төрийн шагналт, УГЗ, байгалийн нэрт зураач асан Цэмбэлдорж агсны ач хүү юм.
Бодибилдинг фитнессийн Азийн 3, дэлхийн 4 удаагийн аварга, МУГТ Г.Угалзцэцэг нөхөр Г.Мөнгөнбаярын хамт “Эхнэрийн заавраар” нэвтрүүлэгт оролцож байв.
Хэдийгээр МУГТ Г.Угалзцэцэг хатуу ширүүн спортоор хичээллэдэг ч эмэгтэй хүний зөөлөн, сэтгэл булаам чанаруудаа нэвтрүүлэгийн үеэр харуулсан юм. Түүний нөхөр тун тайван, хүлээцтэй сайн сонсогч гэдгээ харуулаад амжсан.
