“UBS” телевизийн захирал, хөгжмийн зохиолч, СГЗ Л.Балхжавынх хоёр хүүтэй. Тэдний том хүү Чингүүн өөрөөсөө 10 насаар дүү Ч.Сэлэнгэ гэх бүсгүй бэр буулгаж охин хүү ихэрүүдтэй болсон бол бага хүү Билгүүн балетчин, жүжигчин гэгддэг М.Цэрэндолгор бүсгүйтэй дэр нэгтгэж бяцхан үртэй болсон.
Ёстой л үеийнхэн дундаа сор болсон жүжигчин бүсгүйчүүдийг бэрээ болгосон “буянтай” хүмүүс.
Том хүү Чингүүн гэр бүлээрээ хоёр жилийн турш АНУ-д амьдарч байгаад өнгөрсөн зун эх орондоо ирсэн. Түүний гэргий Ч.Сэлэнгэ тэр хугацаанд өөрийн нэрийн “Seku candles” брэндийн лаа, саванг худалдаанд гаргаж минимал хэв маягт дурлагчдад танилцуулсан.
Тэгвэл тэрээр эх орондоо ирээд бас зүгээр суусангүй. Уран бүтээлийнхээ хажуугаар belly dance-ийн багш болжээ.
Ч.Сэлэнгийн хувьд багаасаа л жүжигчин болохыг мөрөөддөг байсан гэдэг. Үүнээсээ ч урваагүй. Өмнөд Солонгост хэсэг амьдарч, хожуу оюутан болсон ч 5 дахь Жульеттагаар сонгогдон, өөрийн авьяас чадвараа харуулсан хөдөлмөрч бүсгүй.
Тэрээр “18 нас” кинонд тоглож байхдаа найруулагч Б.Чингүүнтэй гэр бүл болж дөнгөж 21 насандаа Есүгэн, Есүдэй хоёрыгоо төрүүлжээ.
