Мөрөөдлийн театрын Ганбаад ч багадаа “чөргөр” хүү байсан үе бий. Явцдаа л таргалсан болохоос.
Хэрвээ тэр жүжигчин болоогүй бол ээж шигээ барилгын инженер болох байсан гэдэг. Түүний биеийн жинг 150 кг татаж магад гэж үзэгчид таамагладаг. Харин тэр байнга галбиртаа анхааран фитнессээр хичээллэж, дэглэм барих нь бий.
Түүнийг ороод суухад Ланд хүртэл хазайдаг гэсэн. Эхнэрээсээ салж, хоёр хүүхдээ өсгөж яваа тэрээр хэвлэлд тийм ч нээлттэй ханддаггүй.
Түүнд ихэвчлэн атаман дарга, хартай нөхрийн дүр оногддог. Харин Ганбаа түүхэн кинонд дүр бүтээхийг хүсдэг. “Заавал ноён биш үүдэнд нь жад бариад зогсдог хүний дүр ч гоё” гэж хэлсэн удаатай.
Дүрийн онцлог том биенд нь байгаа гэдгийг тэр шударгаар хүлээн зөвшөөрдөг.
