Холоос гүйдэлтэй борлог минь
Сулдаа ганхам жороо доо
Голоос хайртай амраг минь
Шөнөдөө гэрэлтэм царайлаг аа хэмээн Д.Лувсаншарав гуайн “Би чамд хайртай” дууг дуучин Н.Наранбаатар /Наагий/ жааз хөгжмийн хэмнэлд оруулан, хөнгөн гэгч нь дуулдаг.
Хуучны уянгалаг, хит дуунуудыг жааз хэмнэлд оруулан дуулдаг тэрээр нэгэн хэсэг Монгол Улсын Филармоны дуучин хийдэг байв. Өдгөө “Наагий” хамтлагийн ахлагч, “N-11” студийн захирал гээд олон ажил албыг зэрэг амжуулдаг тэрээр өөрийн цахим хуудаснаа “Хэрвээ би хөдөөний залуу байсан бол, нэг иймэрхүү байх байж” хэмээн бичжээ.
Дуучин залуугийн фенүүдийн дийлэнхийг эмэгтэйчүүд эзэлдэг. Гучин нас шүргэж байхдаа гэр бүл зохиож байсан тэрээр мэргэжлийн дуучнаар их дээд сургуульд суралцаж яваагүй гэнэ лээ. Ая зохиогч Дашдондогын “Nature sound” сургалтыг дүүргэж улмаар дуучин болох замналаа тавьжээ.
Өдгөө 40 насны босго алхаж буй түүний үндсэн мэргэжил орчуулагч, аялал жуулчлалын менежер.
