Шарк Танк нэвтрүүлэг хоймортоо энэ удаа Монполиметын нууцлаг удирдагч Мөнхнасанг урьжээ.
Энэ залуу эмэгтэй яах аргагүй өөрийнхөө үеийг бүтээлцэж яваа нэгэн. Олборлогчоос үйлдвэрлэгч болох зоримог алхмыг эхлүүлж, Монцемент төслийг гардан хэрэгжүүлсэн түүнийг хөрөнгөлөг айлын хөөрхөн охин хэмээн төсөөлж байсан олон хүний дүгнэлтийг тэр өөрчилж чадсан. Олон улсын бизнес, үйлдвэрлэлийн шаардлагыг хангасан төсөл өөрөө бичиж, үйлдвэрээ барих хөрөнга оруулалт гадаад дотоодоос татаж чалсан. Харин хаа байсан говь цөлд ямар ч дэд бүтэц байхгүй, хүн ам цөөтэй Монгол улсын барилгын материалын салбарт хөрөнгө оруулалт олход амаргүй нь ойлгомжтой. 3 жил тасралтгүй хөөцөлдсөн тэр 250 гаруй сая ам.долларын хөрөнгө оруулалт босгож чадсан.
Олон улсаас энэ хэмжээний санхүүжилт босгоно гэдэг бол баргийн ээжийн охин, аавын хүүгийн хийж чадах ажил биш. Эх орондоо энэ хэмжээний үйлдвэр барина гэдэг асар их эр зориг шаардсан хэн бүхний зориглож хийдэггүй, эрсдэл үүрсэн ажил. Төслийг эхлүүлэхэд Монполимет грүпп зөвхөн уул уурхайн компань байсан бол эдүгээ найман салбар компанитай, 1000 гаруй ажилчин, ажилтантай, үндэсний тэргүүлэх үйлдвэрлэгч болоод байна. Энэ том айлыг удирдаж яваа Н.Мөнхнасан дөрвөн хүүхдийн ээж. Хүүхэд ахуй үеэсээ хөтлөлцөн гүйсээр ханилсан хань нь математикч Ч.Алтаннар. Их Британийн Империал коллежид багшилж байсан цорын ганц монгол эрдэмтэн.
Мөнхнасан багадаа Хүүхдийн ордны англи хэлний дугуйланд суралцаж, улмаар Олон Улсын сурагч солилцооны хөтөлбөрийн хүрээнд 14-хөн настайдаа ганцаараа Америкийг зорьсон. Санфранцискогийн их сургуулийг макро эдийн засаг, санхүүчийн мэргэжлээр А үнэлгээтэй дүүргэжээ. Түүний дараагийн босго Жорж Вашинтоны их сургууль байлаа. Санхүүгийн инженердчлэл, эдийн засгийн мэргэжлийн магистр зэрийг Cum Laude цолтой дүүргэжээ. Cum Laude бол авахад хамгийн амаргүй цөөн цолнуудын нэг. Н.Мөнхнасан Харвардын бизнесийн сургуулийн залуу манлайлагчдын хөтөлбөрийг дүүргэх зэрэг байнгийн суралцах дадлыг өөртөө суулгаж чадсан нэгэн. Дэлхийн банкинд ажиллаж байх хугацаандаа сурч мэдсэнээ дэлхийн эдийн засгийн энгээр тэлсэн тэрбээр эх орондоо ирмэгцээ Монцемент төсөл рүү гар сунган орсон нь үнэн.
Болж байна. Монголчуудыг цементийн гаднын хараат байдлаас салгаж, үндэсний томоохон төслийг амжилттай хэрэгжүүлсэн Монцемент компани үргэлж олны анхаарлын төвд байдаг. Тэр тусмаа Монполимет грүппийн хүчирхэг залуу хатагтайн төдийлөн олны өмнө ил гардаггүй нь өөрийх нь даруухан зан чанар гэлтэй.
