Энэ цагийн хамгийн анхаарал татам бүсгүйчүүдийн нэг бол жүжигчин О.Дөлгөөн. Өдгөө 31 настай тэрээр өнгөрсөн гурван жилийн хугацаанд АНУ-д ажиллаж амьдарч байгаад энэ оны эхээр эх орондоо бүр мөсөн ирсэн.
Мэргэжил дээшлүүлснээсээ хойш дорвитой уран бүтээлд тоглоогүй тэрээр өдгөө “Фантастик”-ийн шинэ бүтээлд гол дүрийг бүтээж буй. Түүнийг найруулагч Б.Тамиртай холбогдож, улмаар нөхрөөсөө тусдаа амьдарч буй гэх мэдээлэл цацагдах болсон.
Тэгвэл жүжигчин бүсгүй өдгөө 7 настай хүүгээ охин дүүтэй болгохыг хүсчээ.
Тэрээр сүүлийн үед хүчээ аваад буй Gradient апп-ыг ашиглан, өөрийн бяцхан төрхийг гаргажээ. Ингэхдээ тэрээр “Ийм хөөрхөн охинтой болмоор байна” хэмээн бичсэн байна.
Авьяаслаг залуу жүжигчин О.Дөлгөөн нь анх “Амьдралд тавтай морил” олон ангит кинонд хэнэггүй, эршүүд Золоогийн дүрээр олны танил болсон байдаг.
Мөн “Хайрын рекорд”, “Single ladies 1, 2, 3”, “Сүүлчийн шөнө”, “Учрал” зэрэг дэлгэцийн уран бүтээлээс гадна У.Шекспирийн “Ромео Жульетта” жүжгийн Жульеттагийн дүрд тоглосон өсөх ирээдүйтэй уран бүтээлч билээ.
