Хөөрхөн Оогий цахим хуудааснаа хувь тавилан байдагт итгэдэг тухайгаа бичжээ.
Тэрээр “Хувь тавилан байдаг гэдэгт итгэдэг…
Крис маань ер нь бүх л хичээл дээрээ сайн хүүхэд байжээ. 7-р ангид байхдаа 7-р анги дундаа өөр хүүхэд “Outstanding” буюу бүх хичээл дээрээ “Онц” авчээ. Крис ч ямар мундаг юм бэ, би ч бас бүх хичээл дээрээ Онц сурдаг баймаар байна гээд залуухан эрэгтэй багш дээрээ очоод “8-р ангидаа Сургуульдаа #1 болмоор байна, бүх хичээл дээрээ жигд онц сурахын тулд би юу хийх хэрэгтэй вэ, өөрийгөө яаж сайжруулах вэ?” гэж асуужээ…
Залуухан шинэ багш маш их баярлаад 7 хоногын Баасан гараг бүрт илүү даалгавар өгөн, чиглүүлж эхэлжээ. Ирэх жил нь, Крис ч Сургуулиасаа #1-т жягсаж бүх хичээл дээрээ “Онц” авсан байна… Мэдээж үргэлжлүүлэн онц сурсан. Тухайн багш ч энэ түүх ээ багш нартаа болон хүүхдүүдэд бахархан ярих дуртай гэнэ.
Миний хүү энэ жил Австралийн Хөвгүүдийн Шилдэг 5 сургуулийн нэгд тэнцэн орж суралцаж байгаа. Мэдэхгүй чадахгүй зүйл олон. Гэхдээ хичээнгүй, потенцал өндөр… Одоо шалгалт, бие даалттай маш завгүй үе нь. Нэг хичээлдээ эхнээсээ 3-т оржээ. Багш дээрээ очоод би хэрхэн өөрийгөө сайжруулах вэ? Ямар таск дээрээ илүү ажиллавал би илүү хөгжих вэ, таны боломж зав байвал надад зөвлөгөө өгч болох уу гэжээ…
Багш нь баяртай нь аргагүй “Одоогоос хорин жилийн өмнө яг чам шиг галтай цогтой нэг хүү над дээр ирээд яг ижил асуулт асуугаад, би чиглүүлээд, тухайн хүүхэд маань Сургуульдаа #1 болж байсан юм. Чамд чиглүүлэхдээ дуртай байна” гэжээ…
Хамгийн сонирхолтой нь тэр хорин жилийн өмнөх Крисийн багш, одоогийн хүү минь очиж зөвлөгөө авсан багш нь нэг хүн гэдгийг Крис, Жак бид 3 өчигдөр хоол идэн ярилцах зуураа мэдлээ.Бүүр итгэмээргүй… Крис бөөн баяр… Хүү нь өнөөдөр очиж нөгөө багшдаа хэлэхээр болсон… Багш нь бас бөөн баяр болох байх даа.
Зүгээр л хувь тавьлан гэж байдаг гэдэгт итгэдэг… Миний хань, миний хүү хоёр төрсөн биш ч төөрөг тавилангаар уулзах байсан аав хүү хоёр гэдэгт би итгэдэг…
Тэр багшид би хамгийн сайхан оргилуун дарсыг явуулна аа… Хүүхдүүдийг гэсэн чин сэтгэл нь үргэлж оргилж байдаг нь он цагийн явцад тодоос тод харуулж байна шүү дээ” гэв.
Оогий Сидней
