Эдийн засагч, доктурант гэхээсээ илүү жүжигчин, нөлөөлөгч гэдгээр олонд танигсан “Дух” хочтой Б.Цэцэг 35 насны босгон дээр хоёр дахь амьдралаа нэгэн чинээлэг эртэй эхлүүлж, сар орчмын өмнө хүү төрүүлсэн.
Тэрээр энэ удаа энгийн үе тэнгийн залууг сонгосонгүй. Өөрөөсөө 10 гаруй насаар ах, Нэхмэлийн шарын суурин дээр орон сууцны хороолол барьж буй “Нутгийн буян” компанийн эзэн Л.Бат-Оршихыг онилж, нэг гэрт амьдрах болжээ. Алтан эдлэлийг баруун солгойгүй хэрэглэж, авгай хүүхнүүдээр гоёх дуртай гэдэг нь анзаарагддаг Л.Бат-Орших албан ёсны эхнэрээсээ гэрлэлтээ салгаагvй ч Б.Цэцэгтэй хамтран амьдарч буй аж.
Б.Цэцэг ч хүү төрүүлсэн биш “Нутгийн буян” компанийн үйл ажиллагаанд шууд биш ч аль хэдийнэ оролцоод эхэлсэн гэдгийг ойрын эх сурвалжууд хэлэх болж.
Уг нь тус компанийн санхүүг Л.Бат-Оршихын авааль гэргий Отгоо “атгадаг” байж л дээ. Тэрээр Л.Бат-Оршихтой цэл залуугаасаа ханилж, 8-н нэрийн дэлгүүрийг нутаг нугандаа ажлуулж, нөхөртөө алт олборлох санааг гаргаж өгсөн сэргэлэн цовоо эмэгтэй гэнэ лээ.
Эхнэрийнхээ сэргэлэн зангийн буянаар Л.Бат-Орших энэ их хөрөнгийн эзэн болсноо нуудаггүй гэдэг.
Тэдний хувьд дундаасаа гурван хүүхэдтэй бөгөөд том хүү нь Лондонд суралцдаг бол бага нь дунд сургуулийн хоёрдугаар анги гэсэн шүү.
