Аялгуут ертөнцөөр амьдралаа холбосон дотно найзууд болох МУГЖ Б.Сарантуяа, Б.Ангирмаа нар.
Тэдний хувьд найзын нандин үерхэлээ он удаан жил хадгалж яваа бүсгүйчүүд. Анх уран бүтээлээр илүүтэй холбогдсон тэд Монголын рок попын ертөнцөд өөр өөрсдийнхөө зам мөрийг тодоос тод үлдээсэн.
Зууны манлай хатагтай Б.Сарантуяа эрхэм найзыгаа төрд үнэлүүлж Төрийн ордноос гарч ирэхийг хүлээн, ийнхүү сэтгэл доглон зогсоно.
Тэрээр өөрйн цахим хуудаснаа “Өнөөдөр миний эрхэм найз , уран бүтээлийн хамтрагч , хөгжмийн зохиолч , яруу найрагч , дуучин Балчинжавын Ангирмаа маань Гавьяат хэмээн эрхэм цолоор шагнуулах гэж байна. Сэтгэл догдлуулсан орой, Битгий хонзогно, Буруутан,Миний дуу, Хуй салхи, Дуучин чамдаа,Шинэ цас, Хүүдээ, Чагная, Хайрын тэнгэр гээд олон олон дуу, Инээмтгий хүн, Сэхүүн салхи , Чиний төрх дуунуудын шүлэг гэх мэтчилэн олон сайхан бүтээлүүд дээр хамтарч ажилласан дуучных нь хувьд , олон жил үерхсэн найзынх нь хувьд хязгааргүй их баяртай байна. Монголын рок попын түүхийг хамт бичилцэж байгаа авьяслаг эмэгтэй хөгжмийн зохиолч , продюссэр Б.Ангирмаадаа томоос том баяр хүргэе” гэжээ.
