Монгол улсын Гавьяат барилгачин, тус төвийн Захирал Р.Буд, Зам, тээврийн хөгжлийн яамны Авто замын бодлогын хэрэгжилтийг зохицуулах газрын даргын үүргийг түр орлон гүйцэтгэгч Д.Загдраднаа нар авто замын салбараас Монгол улсын Ерөнхийлөгчийн зарлигаар шинээр Гавьяат барилгачин цол хүртсэн эрхмүүдийг хүлээн авч, хүндэтгэл үзүүлэн, дурсгалын зүйл хадгалууллаа.
Мөн Монгол улсын Гавьяат барилгачин цол хүртсэн Баруун чиглэлийн зам барилга, ашиглалтын трестийн дарга асан Д.Галбадрах, ГБЭТ” ХХК-ийн захирал Б.Эрхэмбаяр, “Түм арвижих” ХХК-ийн захирал Б.Болд, “Арц суварга” ХХК-ийн захирал Ш.Алтансүх, “Би Би сервис” ХХК-ийн захирал Н.Батбаяр, “Бидний зам” ХХК-ийн захирал Ш.Алтангэрэл нартай авто замын салбараас төрөн гарсан Баатар, гавьяатуудын түүхэн дурсамжийг хуваалцав.
Шинээр төрсөн гавьяатууд дотроос Дундговь аймгаас “Түм арвижих” ХХК-ийн захирал Б.Болд авто замын салбараас төрсөн анхны гавьяат барилгачин болсон бол мөн Баруун чиглэлийн зам барилга, ашиглалтын трестийн дарга асан Д.Галбадрах Говь-Алтай аймгаас төрсөн анхны гавьяат барилгачин боллоо.
АЛТАН ШАР ЗАМЫН ӨЛЗИЙ БУЯН
ӨНӨ МӨНХӨД ИВЭЭХ БОЛТУГАЙ
