“Хас”-ын Ч.Ганхуягийг бизнесийн хүрээнийхэн илүүтэй сайн танина. 17 настайдаа Дилер болж, удалгүй “Хас Банк”-ийг үүсгэн байгуулж байсан хэмээн тэрбээр таван хүү, ганц охинтой.
Хөгжлийн бэрхшээлтэй том хүүгээ олноос нуудаггүй тэрбээр хоёрдахь хүү Хаскадаа итгэл найдвар тээдгээ л илэрхийлдэг.
Тэгвэл тэрбээр хүүгээ ажил голдоггүй, хүний хөдөлмөр үнэлдэг хүн болгосон түүхээ хуваалцжээ.
Тэрбээр “Оюутан, залуус зуны амралтаа бүү дэмий үр! Ямар ч хамаагүй ажил олоод хийчих.
Энэ гарагийн хаана ч бай бүх л амжилттай яваа хүмүүс нэгэн цагт угаагч, зөөгч хийж байсан тухайгаа дурссан байдаг. Ажил хүнийг голохоос хүн ажлыг голох ёсгүй гэдэг л энэ. Ажлын хүнд хэцүүгээс нь эхлэх тусам бүр л сайн.
Гэр, сургуулиасаа багахан хөндийрөөд ирэхэд ямар их зүйлийг сурах, амжуулах ёстойгоо ойлгоод ирнэ. Хүний хөдөлмөрийг хүндэлж сурна. Хүмүүстэй харьцаж сурна. Сэтгэл зүйн хувьд ч, бие физиологийн хувьд ч амьдралд өөрийгөө бэлтгэж байна гэж бод.
Ямар ч ажил байсан хийгээд сурсан байхад хэзээ нэгэн цагт заавал аминд ордог нь гагцхүү үнэн!” гэжээ.
Ч.Ганхуяг хүүгээ хөдөлмөрийн амтанд оруулж явсан түүхээ хуваалцав
Нийтэлсэн: Эрхэм админ
