Хүний амьдралд тохиолдох бүхий л хайрыг магтан дуулсан “Poetry night-Хайр гэж…” яруу найргын үдшийг санаачлан зохион байгуулдаг залуу бол уг ерөнхий продюсер, “Болор цом”-ын болон Г.Сэр-Одын нэрэмжит шагналт яруу найрагч Ч.Ууганбаяр.
Тэрбээр яруу найрагт дутагдаж үгүйлэгдсэн орон зайг соргогоор мэдэрч энэхүү цэнгүүнийг зохион байгуулдаг гэдгээрээ яруу найраг сонирхогчид дундаа алдартай.
Дашрамд дуулгахад, “Poetry night” яруу найргын цэнгүүний бүх цувралаа Ч.Ууганбаяр санаачилж, зохион байгуулахдаа Соёлын яаманд санал тавьдаг ч огт дэмждэггүй гэнэ. 
Энэ тухайгаа тэрбээр “Монголын ард түмэнд утга зохиолоо эргэн сэргээхийн тулд “Poetry Night”-ийг хийж байгаа, хоёрдугаарт энэ нэрийг Монголын гурван сая хүнээс ядаж тал нь мэддэг болчихоосой гэдэг үүднээс арван цуврал хийж байгаа. Бүх телевизээр үнэгүй цацаад байгаа шүү дээ. Дараа нь “Poetry night Mongolia”гэхэд монголчууд өөрсдөө тэрийгээ мэддэг байх хэрэгтэй. Монголд нэг удаа хийчихээд дараа жил нь өөр улс энэ “Poetry Night”-ыг хийдэг байгаасай гэж хүсч байгаа” гэжээ. 
