Тамирчин хүнд ялалт амархан олддоггүй. Асар их хөдөлмөр тэвчээрийн үр дүнд өнөөдөр амжилтаа ахиулж, алдрын тавцанд гарч чаддаг. Хэдхэн хоногийн өмнө Катар улсын Доха хотод болсон ДАШТ-нээс манай улсын баг тамирчид хоёр хүрэл медальтай ирсэн билээ. 
Тэдний нэг нь ОУХМ Л.Энхрийлэн юм. Тэрбээр ДАШТ-нээс хүрэл медаль хүртэж, хос хүрэл медальтай болсон. Өмнөх Дэлхийн аваргаас тэрбээр мөн хүрэл медаль хүртэж байсан амжилтыг нь үнэлж ивээн тэтгэдэг байгууллагаас нь хоёр өрөө байр гардуулж өгсөн бол энэ удаад автомашинаар амжилтыг нь мялаажээ. Тодруулбал, Батжаргал, Энхжаргал захиралтай “Блю Драгон” ХХК-ийн хамт олон Л.Энхрийлэнгийн амжилтыг үнэлэн автомашин бэлэглэж сюрприз барьжээ. Мөн Климкайтыг ялах үеийн баярт мөчийг нь цом болгон хувиргажээ.
Л.Энхрийлэн “Та бүхнийхээ итгэлийг алдалгүй зорьсон зорилгодоо заавал хүрч, Монгол Улсынхаа болон компанийнхаа нэрийг өндөрт өргөж хичээж явах болно” гэжээ.
