Нийслэлийн Сүхбаатар дүүргийн 3-р хороо, “Далай ээж” захад гал гарч байна гэх дуудлага Онцгой байдлын албанд өнөөдөр 12:33 цагт иржээ.
Дуудлагын дагуу Гал түймэр унтраах 10-р ангийн тасаг очиход “Миний сүлжээ” дэлгүүрийн зүүн хойд талд В1 давхарт агааржуулалтын системийн доор хөргөгчийн шингэн шатаж байсныг унтрааж ажиллалаа. Уг гал түймэрт “Миний сүлжээ” дэлгүүрийн 3 ажилтан түлэгдсэнийг Яаралтай түргэн тусламжийн 103-т хүлээлгэн өгсөн. Иргэдийн хоёр нь нас барж, нэгийнх нь биеийн байдал хүнд байна.
