Төрийн бүх албан хаагчтай холбоотой асуудлыг шийдвэрлэх зорилготой Төрийн албаны зөвлөл гэж уг нь эрх мэдэлтэй, хүчтэй байгууллага байдаг байлаа. Гэвч сүүлийн үед уг байгууллага хүчгүй арслантай адил болсон юм. Учир нь тус байгууллага төрийн байгууллагын бүтэц орон тоонд санал өгдөг байсныг нь болиулсан. Одоо бүүр аудит хийх эрхийг нь болиулж бүр ч хүчгүй, билэгдлийн төдий байгууллага болоод байна.
ТАЗ сүртэй шалгалт хийдэг. Гэвч өөрсдөө хууль бус болохоор тэдний шалгалт тэр бүр үр дүнтэй болдоггүй гэдгийг төрийн албанд ажиллаж байгаа эх сурвалжууд хэлдэг.
Тухайлбал, Төрийн албаны зөвлөл өмнө нь байгууллагн бүтэц орон тоонд санал өгдөг байсныг хуулиар болиулсан. Харин энэ удаад аудит хийх эрхээ хасуулаад уг эрх мэдлийг нь аудитын байгууллагад шилжүүлсэн. Улмаар өнөөдөр аудитын байгууллагадаа шалгагдан “хөгөө чирж” байна.
Төрийн албаны зөвлөл ийнхүү хүчгүйдэж байгаа нь гишүүдийн бүрэн эрхийн хугацаа дуусаж байгаа зарим нь тэтгэвэрт гарах цаг дөхсөнтэй шууд холбоотой юм.
Тодруулбал, Төрийн албаны зөвлөлийн гишүүн Д.Баатарсайхан, Б.Идэрчулуун, Ц.Амартөгс нарын гишүүний бүрэн эрхийн хугацаа энэ он дуусахтай зэрэгцэн дуусаж байгаа.
Б.Пүрэвдагва, Л.Цэдэвсүрэн нар өмнөх гишүүний бүрэн эрхийн хугацаа дуусахад оронд нь энэ оны хоёрдугаар сард ирсэн. Гэхдээ Л.Цэдэвсүрэнгийн (засгаас томилсон) тэтгэвэрт гарах нас өнгөрөөд хоёр жил болж байгаа болохоор өнөөдөр түүний энэ суудалдаа сууж байгаа нь “хууль бус” гэж үзэж болно.
Бараг бүрэлдэхүүнээрээ бүрэн эрх нь дуусч байгаа гэж хэлж болохоор ТАЗ-ийн дарга гишүүд буцах хүнд үнээ нийлэх хамаагүй гэж хууль, ёсыг уландаа гишгэж өнөөдөр Ам нь үдээтэй, үйлдэл нь хязгаартай байна.
Хамгийн эрсдэлтэй нь өнөөдөр Төрийн албаны зөвлөлийн гурван гишүүний бүрэн эрх дуусахтай зэрэгцэн Төрийн албаны тухай хууль шинэчлэгдэх ажлын хэсэг гарсан нь ТАЗ-ийг улам хүчгүйдүүлэх эрсдэлтэй байна.
Иймд бид тус байгууллагад өрнөж байгаа будлиануудыг эргэж мэдээлсээр байх болно.
А.Баярмаа
Холбоотой нийтлэл: ТАЗ-ийн дарга, гишүүд хоёр газраас давхар цалин авч байна
https://www.tac.mn/article/146938
“Хуулийн хулгай”-гаар Төрийн албаны зөвлөл чадамжгүй болсон нэгэн жишэ
