Б.Баасандорж: Чуулганы нэгдсэн хуралдаанд өчигдрөөс бэлтгэж, өнөөдөр ирц хүрсэн учраас эхлүүлж байгаа нь Дэгийн хуультай зөрчилдөхгүй
УИХ-ын ЕНБД Б.Баасандорж: УИХ-ын дэгийн тухай хуулийн 6.2-т зааснаар Нэгдсэн хуралдаан долоо хоног бүрийн Пүрэв, Баасан гарагт 10.00-13.00, 14.00-18.00 цагт хуралдана. Гишүүд өглөө 09.00 цагаас эхлэн ирцэд бүртгүүлж, хуралдаанаар асуудал хэлэлцэхэд бэлтгэнэ гэж заасан. Өөрөөр хэлбэл 2025 оны 10-р сарын 16-ны өдрийн Пүрэв гарагийн нэгдсэн хуралдаанд бэлтгэх ирц 09:00 эхэлж, хэлэлцэх асуудалдаа бэлтгэсэн. Ийнхүү 2025 оны 10-р сарын 17-ны өдрийн 10:13 цагт ирц бүрдсэн учраас дэг зөрчсөн зүйл байхгүй хэмээн мэдэгдлээ.
