Хууль зүй, дотоод хэргийн сайд Б.Энхбаяр Тээврийн цагдаагийн албанаас дугаарын хязгаарлалттай холбоотой мэдээллийг шалгахад, Нийслэлийн Засаг даргын захирамж албан ёсоор Тээврийн цагдаагийн албанд ирээгүй болохыг тогтоожээ.
Хотын захиргаанаас амаар өгсөн чиглэлийн дагуу Тээврийн цагдаагийн алба мэдээлэл хийсэн бөгөөд энэ талаар Хууль зүй, дотоод хэргийн сайд болон Цагдаагийн ерөнхий газрын даргад мэдэгдээгүй байна. Тэрээр үүний улмаас хариуцлага хүлээлгэх шаардлагатайг онцолж, иргэдийн эрхийг албан бус шийдвэрээр хязгаарлахгүй байхыг Цагдаагийн ерөнхий газарт үүрэг болгосон байна.
