Үнэн үгийг ёгтлож хэлснээрээ олонд “ад үзэгддэг”, галзуу солиотойгоороо дуудуулдаг гүн ухаантан бол С.Молор-Эрдэнэ.
Нэг хэсэг Н.Энхбаярын экс намын үйл хэрэгт гараа дүрж явсан тэрээр шинэ жилийн тухай ойлголтоо нэгэн хэвлэлд ярьжээ. Тэрээр “Шинэ жил бол гэр бүлийн баяр. Энэ баярыг зөвхөн 31-ний орой л гэр бүлээрээ гоё ширээ засаад амттай хоол хийж идээд азжаргалтай өнгөрөөх хэрэгтэй. Тэгээд л болоо. Тэрнээс биш бүтэн сарын турш байгууллагын шинэ жил ч гэх шиг, хамт олон ч гэх шиг хачин хачин юм хийдгээ болих хэрэгтэй. Өдөр бүхэн уулздаг хүмүүстэйгээ л тэмдэглэж байж өчнөөн мөнгө төгрөг үрээд өр ширэнд ороод ямар ч утгагүй хоосроод дуусна. Энэ чинь солиорол байхгүй юу. Үнэндээ энэ хэдэн өдрүүдэд жинхэнэ баярладаг хүмүүс худалдаачин наймаачин бизнэс эрхлэгчид л байна. Шинэ жилийг жаахан даруухан тэмдэглэмээр байна. Монголчуудад ер нь даруу зан ус агаар мэт дутагдаж байна” гэжээ.
