Хамгийн алдартай сумочин, ёкозуна Хакухо өнгөрсөн есдүгээр сард зодог тайлахаар болсон. Учир нь өнгөрсөн онд ёкозуна цол олгох хорооны төлөөлөгчид Хакухог гэмтлийн улмаас хэт олон башё алгассан хэмээн сануулга өгч байв. Энэ онд Хакухо гагцхүү Нагойя дахь ганц л тэмцээнд оролцож, Эзэн хааны ээлжит цомоо авсан юм. Гэвч есдүгээр сард өвдөгний гэмтлийн улмаас намрын башёд оролцоогүй бөгөөд зодог тайлсан билээ.
Тэгвэл өчигдөр шинэ башё эхлэх үед эрхэм Хөдөлмөрийн баатар, МУГТ М.Даваажаргал хаалганы хамгаалагч хийж, тасалбар тасалж зогсож буй нь телевизээр гарчээ. Үүнд учир мэдэх хүмүүс өөрсдийн сэтгэгдэлээ илэрхийлж байна. Тэд “Япон улс яагаад хөгжөөд бгаагийн нэг шалтгаан нь энэ. Аварга блаа гээд, нэг салбарт оргилд нь хүрлээ гээд өөр ажилд дээгүүр нь шууд орох эрхгүй, анхан шатнаас нь эхэлж жирийн л нэгэн хамгаалагч болж бгаа нийгэм нь ямар шударга, ёс суртахуунтай, соёлтой юм бэ гэмээр. Хакуко аваргад шинэ ажилд нь амжилт” гэжээ.
Хакухо буюу Мөнхбатын Даваажаргал мэрэгжлийн сумогийн ертөнцийн хамгийн алдартай сумочин юм. Тэрээр энэ спортын төрлийн ихэнх дээд амжилтыг тэр эзэмшдэг. Хакухо эзэн хааны цомыг 45 удаа гардаж, 1187 удаа ялалт байгуулсан нэгэн юм.
Хакухо одоо 36 настай. Эхнэр нь Саёко Вада гэх япон эмэгтэй. Хакухо 2019 онд Японы иргэншил авсан бөгөөд ингэснээр зодог тайлсны дараа дэвжээ эзэмших боломжтой болсон билээ.
