Эрдүү хоолой, европжуу зүстэй энэ хатагтай анх Монголын рок поп урлагт хүч түрэн орж ирэхдээ “Гоо сайхандаа сард 3000 ам.доллар зардаг” хэмээн оддын өвчнөөр өвчлөн мэддэггүй нэгнийх нь нүдийг бүлтийлгэж, мэддэг нэгнийх нь инээдийг хүргэж байсан нь саяхан мэт.
Гэвч чамлахааргүй олон жил өнгөрч дууч бүсгүй “гавьяат, зууны манлай дуучин, поп хатагтай” гэгдэн алдрын оргилд дүүлэхийн сацуу амьдралд ч бас хат суун ухаажсан гэлтэй.
Өрх толгойлсон ээжийн амьдралаар олон жил амьдарч яваа түүний том хүү “Бодь” группын Л.Болдхуягийн хүү. Нэгэн хэсэг эхнэрээс нь салга н нэг гэрт орж байсан ч, Л.Болдхуяг эргэн гэр бүлдээ очсон.
ШТэглээ гээд дундаасаа төрсөн хүү Б.Эрхэмбилэгийг “орхиогүй”. Харин ч тусдаа амьдардаг ч, аавынхаа үүргийн сайн гүйцэтгэдэг тухай Б.Сарантуяа хэлдэг.
Ээждээ түшиг болсон энэ хүү хэдийн эрийн цээнд хүрч, амьдралын наад цаадахыг ойлгох ухаантай болсон. Тиймдээ ч, олны танил хүний ганц хүү гэлтгүй “Ариг –Аня” ресторанд зөөгч хийж байсныг хэвлэлийнхэн дурандаж байсан түүхтэй. Тэрээр өдгөө ээжийнхээ хамт Германд тоглолтынх нь арын зохион байгуулалтыг хариуцан ажиллаж байгаа.
Дуучин Б.Сарантуяагийн амьдралд гарч ирсэн жинхэнэ хайр бол Хөвсгөлийн бизнесмэн Отгон-Очир гэх залуу бөгөөд мөн л амьдрал зохиосон тусдаа гэр бүлтэй нэгэн. Тэд дурлалдаа шатаж явахдаа О.Хулан охиноо төрүүлсэн. О.Хулан охин өдгөө хэдийнээ дунд сургуулийн ахлах ангийн сурагч болжээ. Нөгөөтэйгүүр хүү охин хоёроосоо гадна дүүгийнхээ хүүхдийг өсгөн эмэгтэй хүнд ахадсан гэмээр ачаа үүрч яваагаа тэрээр юм чинээ боддоггүй. Тэрээр өөрийн амьдралын түүхийг нэгэн нэвтрүүлэгт ярихдаа, бүсгүйчүүдийг хэн нэгэнтэй гэр бүл болохдоо “гэр бүлийн гэрээ” байгуулахыг уриалжээ. Поп хатагтай, хайр сэтгэл алга болоход хариуцлага алга болдог гэж үздэг аж. Нээрээ ч нэгэн насаараа хамтдаа гэж итгэж ханилсан нөхөр нь залуу эхнэр авах эсвэл нас барахад нь ах дүүс нь хөрөнгө мөнгийг нь булаалдаж эхэлдэг жишээ олон. 
Сараа авхайг энэ тухай дурьдан хайр сэтгэлийн бэлэг болж ирсэн хүүхэд дунд нь үрэгддэг учраас гэрээ байгуулах ёстойг зөвлөнө лээ.
