‘Монгол ТВ” телевизийн “Шарк Танк” шоу нэвтрүүлгийн шарк гэдгээр олонд анх танигдаж байсан Г.Амартүвшин өдгөө УИХ-ын гишүүн болсон.
Тэрээр шарк байхдаа өнгө өнгийн урт түрийтэй оймс өмсөж, бусдаас содон гэдгээ харуулдаг байсан бол өдгөө УИХ-ын танхимд үнэтэй брэндийн цагаараа ялгардаг болжээ.
Тэрээр оймс, гутал, цаг, хүрэмдээ хамгийн их ач холбогдол өгдөг гэнэ. Түүнд олон төрлийн дэлхийн алдарт брэндүүдийн цагууд байдгын нэг нь АНУ-ын одоогийн Ерөнхийлөгч Biden-гийн зүүдэгтэй ижилхэн Rolex Datejust брэндийн 7000 ам.
долларын үнэтэй. Эдлэж хэрэглэж буйгаараа өөрийнхөө хэн бэ гэдгийг тодорхойлдог Г.Амартүвшин гадаадад аялж байхдаа цаг, оймс хоёрт мөнгө хайрладаггүй гэдгээ нэгэн ярилцлаганд хэлсэн байдаг.
Энэ талаар тэрбээр “Би бугуйн цаг, оймснуудад их дуртай. Оймсонд дуртай болох шалгаан нь бараг 20 жилийн өмнөхөөс эхлэлтэй. 2000 онд Лондонд дөнгөж хөрөнгө оруулалтын банканд ажиллахаар орж байлаа. Тухайн үед манай босс жинхэнэ язгууртан англи хүн байсан. Жинхэнэ жентельмэн.
Миний хувьд их залуу ч байж, өөрийнхөө боломжоор л хувцасладаг байв. Ажилд ороод зургаа, долоон сар л болж байсан болов уу нэг өдөр манай босс намайг дууддаг юм байна. Тэгсэн “Амараа чи шинээр орсон хүн гэхэд бусдаасаа үнэхээр илүү сайн ажиллаж байна. Гэхдээ чамд нэг л зүйл хэлмээр байна. Чи банкир болсон хүн. Чи өндөр зэрэглэлийн харилцагчидтай харилцдаг хүн ингэж хувцаслаж болохгүй ээ. Энэ миний хувцсыг оёж өгдөг оёдолчны нэрийн хуудас. Чи энэ хүн дээр оч” гэж зөвлөсөн’ хэмээжээ.
