Найруулагч Батсүхийн Баатарын анхны бүтээл “Этгээд” уран сайхны кино АНУ-ын алдарт “South by Southwest” кино фестивальд оролцохоор болжээ. Тус бүтээлийг дэлхий даяар худалдаалах онцгой эрхийг авсан “Raven Banner” компани Хойд Америк дахь нээлтээ уг фестивалийн үеэр хийж буй аж.
Киног АНУ-ын Лос Анжелест төвтэй “Three Flames Pictures”-ынхан “Raven Banner”-т зуучилсан аж. Жүжигчин Батжаргалын Дөлгөөн, Тревор Дойл, Г.Эрдэнэбилэг нар хамтран байгуулсан бөгөөд Монголын киног Холливудад гаргах, зуучлах зорилго тавьж ажилладаг юм.
SXSW буюу “South by Southwest” нь Техас мужийн Остин хотод 1987 оноос хойш зохион байгуулагдаж байгаа урлагийн фестиваль бөгөөд хөгжим, кино зэрэг гурван төрлөөр, 10 хоног үргэлжилдэг алдартай арга хэмжээ юм.
“Этгээд” кинонд хотын завгүй амьдралаас жаахан амрах гэж ойн гүнд кабин түрээсэлж буй хосуудын түүхийг өгүүлдэг. Тус кино өнгөрсөн жил Германы Олденбургийн Олон улсын кино наадмаас “Өвөрмөц, зоримог шийдэл” төрөлд шагнал хүртэж байв.
