Жүжигчин Хүрэлхүүгийн том охин Х.Намуун аавынхаа шинэхэн кино уран бүтээлийг ивээн тэтгэжээ. “Wolarsen” нэртэй гоо сайхны брэндээ гарган тун ч амжилттай яваа тэрээр өмнө нь хэд хэдэн кинонд дүр бүтээж байсан. Мөн киноны ерөнхий ивээн тэтгэгчээр хүртэл ажиллаж байв.
Тэгвэл Х.Намуун аавынхаа шинэ уран бүтээлд дахин тоглохоор сонгогджээ. Энэ тухайгаа тэрбээр “Яг 10 жилийн өмнө аавынхаа Тагнуулч аав кинонд анх тоглож байсан. Түүнээс хойш аав маань маш олон кино хийсэн ч намайг нэг ч удаа тоглуулаагүй байсан юм. Харин энэ удаад арай гэж сонгогдлоо. Баяртай байна” хэмээн өөрийн цахим хуудаснаа онцолжээ.
