Монгол Улсын Ерөнхийлөгч У.Хүрэлсүхийн ивээл дор өнөөдөр эх орны торгон хил болсон Хил хамгаалах байгууллагын хилчин эмэгтэйчүүд чуулж, зовлон жаргал, тулгамдаж байгаа асуудлаа ярилцаж, гарц гаргалгааг хайжээ.
Чуулга уулзалтыг санаачлагч нь Эх түүхийн жимээр нэвтрүүлгийн санаачлагч, жолооч хөтлөгч, ШУТИС-ИЙН БуХС-ийн багш, түүхийн ухааны доктор М.Жавзансүрэн юм байна. Тэрбээр Монгол Улсын дархан хил тойрсон анхны монгол эмэгтэй болж байгаагаараа ихээхэн онцлогтой ажээ. Тэрбээр эх орныхоо дархан хилээр 41 мянган км давхисан эгэл жирийн багш, түүхийн ухааны доктор ажээ.
Ерөнхийлөгчийн ивээл дор хийж буй Хилчин эмэгтэйчүүдийн чуулга уулзалтад хэлсэн илтгэлээс…
“Эх орныхоо дархан хилээр 41 мянган км давхисан эгэл жирийн багш, түүхийн ухааны доктор миний бие Монгол Улсын Ерөнхийлөгчтэй уулзаж, Хилчдийн нийгмийн асуудлыг зайлшгүй шийдэх шаардлагатай буйг дуулгахад, дэмжиж буйгаа илэрхийлж, хилчдийнхээ төлөө бид олон асуудлыг шийдэх ёстой хэмээснээр 2023 оны 05 сарын 23 нд Монголын түүхэнд анх удаа, Ерөнхийлөгч нарын түүхэнд ч анх удаа, Хил хамгаалах байгууллагын түүхэнд анх удаа 450 хилчин эмэгтэйчүүдийн чуулга уулзалтыг хийлээ. Уг чуулга уулзалтад хилчин эмэгтэйчүүдээ төлөөлж илтгэл тавилаа. Эгэл жирийн багш бүсгүйн санаачлагыг ажил хэрэг болгож, энэ бол цаг үеэ олсон санаачлага, бид хилчдийнхээ төлөө үүнийг хийх ёстой хэмээн хүлээж авсан Монгол Улсын Ерөнхийлөгч Ухнаагийн Хүрэлсүх танд талархаж буйгаа, хувиасаа болон хилчин эмэгтэйчүүдийнхээ өмнөөс дахин, дахин илэрхийлж байна. Төр гэж байдаг юм байна. Монгол Улсын Ерөнхийлөгч та нарыг минь мартаагүй юм шүү гэдгийн илэрхийлэл байлаа.
Надад Монгол Улсын дархан хил тойрсон анхны Монгол эмэгтэй гэсэн бахархалаас өөр юм үлдээгүй ч Боловсролын Зээлийн САН ард түмний хилэн хөдөлгөж буй энэ цаг дор нэг ч гэсэн монгол эмэгтэй хүүхдүүдийнхээ хамт эх орынхоо төлөө, хил, хилчдийнхээ төлөө зүтгэсэн юм шүү гэж хэлэх гэж хүүхдүүдээ дагуулан чуулга уулзалтад ирсэн.
Эгэл жирийн мөртлөө эх орныхоо төлөө юу байгаагаа зориулж яваа ээжийнхээ хамт эх орны үнэ цэнийг хархан бага наснаасаа мэдэрсэн эх оронч хүүхдүүд бас байгаа юм шүү гэсэн эеэргүү мессежийг олон түмэнд хүргэх гэж, хүүхдүүдээ дагуулан ирлээ. Хилчин мэт зүтгэжээ. Эх орны минь дархан хил өнө мөнхөд тайван байг, хилчдийн минь яруу алдар бадартугай” гэжээ.
