Чансаа өдөр бооцоо ихтэй Алтанцом “ наадам” Архангайнх болов

Монголын Үндэсний Бөхийн Холбооны “Алтан цом”-ын төлөөх шигшээ барилдааны сүүлийн тойргийн финалын барилдаанд зургаан тойргийн турш нэг ч ялагдалгүй шалгарч үлдсэн Архангай Булган аймгийн багууд өчигдөр Алтан цомын төлөө хүчтэй өрсөлдөв. Бөхийн өргөө Архангай болон Булган нутгийн бөхчүүдийг дэмжсэн дэмжигчдээр дүүрсэн байв. Бөхийн хорхойтнууд болон бөх үзэх дуртай үзэгчид аргагүй л шимтэй барилдаанаар цангасан байгаа нь өчигдөр харагдав. Булган нутгийнхан бүр Нутгийн захиргааны удирдлагынхаа урд том дэлгэцэн дээр нутгийн бөхчүүдийнхээ барилдааныг нутгийнхандаа үзүүлж байгаа харагдав.
Ингээд өчигдөр таван тойргийн турш өргөө дүүрэн үзэгчтэй, өрсөлдөөн дүүрэн барилдаануудтай өрнөсөн хоёр багийн тулаанд Архангай аймгийн баг 16:9-өөр ялалт байгуулж, анхны анхны алтан цомын эзэн болж магнай хагартал баярлацгаав. Нутгийн зон олон нь хөл хөрөхгүй хөөрцөглөж, хүчтэнүүдээрээ бахархаж байгаа харагдав.
Архангай аймгийн багт улсын гарди М.Бадарч /3/, улсын харцага Б.Зоригтбаатар /1/ дөрөвдүгээр тойргоос сэлгээнд сууж, түүний оронд орж барилдсан улсын арслан Р.Пүрэвдагва /2/, улсын харцага О.Мөнх-Эрдэнэ /5/, аймгийн хурц арслан С.Сүхбат /1/, аймгийн арслан Э.Мөнхжаргал /4/, нийт 16 даваа авчээ. Хамгийн гайхамшигтай улсын харцага О.Мөнх-Эрдэнэ ганц удаагүй давсаар сүүлийн оноогоо багтаа авчирч чаджээ. Ийнхүү Алтан цомын эздэд 200 сая төгрөг, Булганы бөхчүүдэд 50 сая төгрөгийн бооцоог МҮБХ-ны ерөнхийлөгч Ц.Магалжав гардуулж өгсөн. Энэ жилийн төрийн их баяр наадмын түрүү бөх Архангай аймгаас тодорч магадгүй гэсэн таамаглал байна шүү. Сарын дараа гэхэд наадам болно, нутаг нутгийн бөхчүүд бэлтгэлдээ гарах нь. Архангай аймгийн бөхчүүд бэлтгэл сайн хангагдаж байгаа нь Алтан цомын төлөөх барилдаанаас харагдлаа.