Сэлэнгэ аймгийн Түшиг сумын засаг дарга Г.Батболд нь албан үүрэг, бүрэн эрх, албан тушаалын байдлаа урвуулан ашиглаж Нийгмийн хариуцлагын гэрээний хүрээнд автомашин худалдаж авсан нь өөртөө болон бусдад давуу байдал бий болгосон байж болзошгүй байх тул гэмт хэргийн шинжтэй байж болзошгүй гэж үзэн АТГ-ын Мөрдөн шалгах хэлтсээс шалгаж байгаа аж.
Албан бус мэдээллээр Сэлэнгэ аймгийн Түшиг сумын засаг дарга Г.Батболд нь Ланд200 маркийн авто машиныг уул уурхайн компанийн эзнийг шантаалжилж авсан гэх мэдээлэл байдаг. Улмаар асуудал үүсэхэд уг машиныг сургуулийн нэр дээр шилжүүлсэн аж.
Сэлэнгэ аймгийн Түшиг сумын засаг дарга Г.Батболд нь өмнө Л.Чинбатын тэргүүлдэг Гацуурт компанид ажиллаж байсан бөгөөд ажлаасаа гараад засаг дарга болсон нэгэн юм байна.
Уг хэргийг АТГ-аас хэрхэн шийдсэн талаар бид эргэж мэдээлэх болно.
