Хоёр Ганаа гэх тодотголтой жүжигчин Д.Ганцэцэг, А.Ганчимэг нар “Хувьсал” продакшнаас өрх тусгаарлаж, “Аримун” продакшныг байгуулаад 2,3 жилийн хугацааг үдэж буй. Тэдний хувьд дэлгэцийн анхны уран бүтээл болох “Халуун зүрх” уран сайхны киногоо үзэгчдийн хүртээл болгож, өндөр үнэлгээ авсан билээ.Өнөөдөр А.Ганчимэгийн төрсөн өдөр тохиож байна. 
Шинэ уран бүтээлийн багийнхантайгаа төрсөн өдрөө хөдөө натурт “шамирсан” байдалтай тэмдэглэжээ.
Жүжигчин А.Ганчимэгийн хувьд 1990 онд төрсөн юм. Оюутан байхдаа гол дүрийн жүжигчнээр шалгарч найруулагчдын хараанд өртсөн жүжигчин А.Ганчимэг өнөө цагийн залуу эмэгтэй жүжигчдийн дунд рейтинг өндөртэй яваа нэгэн билээ.
“Хэцүү анги” олон ангит киногоороо олонд танигдаж, УДЭТ-аас ажлынхаа гарааг эхэлсэн тэрбээр “Хувьсал” продакшны бүтээл “Зэрлэг цэцэгсийн хүлэмж”, “Зүрхээр наадагч”, “Атганд үлдсэн эрдэнэ” зэрэг уран сайхны кинонд гол дүр бүтээж, чадварлаг жүжигчин болохоо харуулсан юм.
