Улсын Их Хурлын гишүүн Л.Мөнхбаясгалан: Хавдрын эмнэлгийн 2025 оны төсвийг 31 тэрбум хүртэл нэмүүлсэн бүх гишүүддээ баярлалаа.
2025 оны улсын төсөвт Ерөнхийлөгчөөр хориг тавиулж алдагдалгүй төсөв батлах үүрэг хүлээсэн УИХ ажлаа хийж гүйцэтгэлээ.
Бүх салбарын төсвийг хассан боловч гагцхүү ХСҮТ-ийн төсвийг эхлээд 7.9 тэрбумаар нэмүүлэхийн төлөө УИХ-ын 47 гишүүн гарын үсэг зурж нэгдсэнийг та бүхэн санаж байгаа.
Харин төсөв хэлэлцэх явцад дахин нэмж нийт 31 тэрбум төгрөгт хүргэж чадсан УИХ ын Г.Тэмүүлэн даргатай төсвийн ажлын хэсгийн гишүүд, энэ саналыг дэмжсэн Засгийн газрын гишүүд тэр дундаа Сангийн сайд Б.Жавхлан, Ц.Даваасүрэн даргатай Төсвийн байнгын хороо, УИХ -ын дарга Д.Амарбаясгалан болон УИХ ын нийт гишүүддээ баяр хүргэе.
Хамтдаа санал нэгдэж учир начраа ярилцаж ойлголцож чадвал бид их зүйлийг бүтээж чадна гэдгийн нотолгоо бол энэ. Энэ бол хамтын хүч, хамтын шийдвэр байлаа. Төсөв танах зорилготой хурлуудаас онцгой тохиолдол хэмээн Хавдрын эмнэлэгт төсөв нэмсэн нь хүмүүнлэг шийдвэр байсан шүү.
