Сүмогийн их аварга Д.Дагвадорж нутгийнхаа спортын түүх, бахархлыг хадгалан үлдээх сайхан үйлсэд сэтгэл гаргалаа. Тэрбээр Улсын арслан Ц.Бямба-Отгоны эдэлж хэрэглэж байсан барилдааны дурсгалт зүйлсийг хадгалуулж, ирээдүй хойч үедээ үлдээхээр болжээ.
Энэхүү үйлдэл нь монгол бөхийн өв соёлыг хамгаалж, алдарт тамирчдын түүхэн замналыг хойч үед дамжуулахад үнэтэй хувь нэмэр болж байна. Спортын домгуудын залгамж холбоо, нутгийн бахархлыг эрхэмлэсэн түүний энэ алхмыг олон нийт сайшааж байна.
