ХХААХҮЯ-ны Салбарын хяналтын газраас ирүүлсэн 08-00-02/05/10-00/06 дугаартай удирдамжийн дагуу Хан-Уул дүүрэгт байрлах “Цэтт фүүд” ХХК-ийн “Хүннү” нэрийн бууз үйлдвэрлэлийн үйл ажиллагаанд урьдчилан сэргийлэх хяналт шалгалт хийлээ.
Шалгалтаар дараах зөрчлүүд илэрлээ. Үүнд:
- Үйл ажиллагааны дүгнэлтгүй
- Ажлын байрны эрүүл ахуйн шаардлага хангаагүй
- Бохир орчинд үйлдвэрлэл явуулсан
- Мал эмнэлгийн гэрчилгээ, баталгаажилтгүй түүхий эд ашигласан
Уг зөрчлүүдтэй холбогдуулан Нийслэлийн Прокурорын газрын Зөрчлийн бүртгэл, мэдээллийн нэгдсэн санд бүртгүүлж, зөрчил шалган шийдвэрлэх ажиллагааг эхлүүлээд байна.
Мөн үйлдвэрлэж буй бүтээгдэхүүнээс 3 төрлийн дээж авч, Нийслэлийн Мал эмнэлгийн газрын төв лабораторид шинжилгээнд хамруулсан бөгөөд шинжилгээний хариу хараахан гараагүй, хяналт шалгалт үргэлжилж байна.
