Хартай эхнэрүүдэд шивнэх үг
Хэн ч юм, хэзээ ч юм бэ “Хайртай бол хартай” гэж хэлсэн байдаг. Үнэндээ хартай эхнэр, нөхрийн дэргэд хажуудах хань нь сэтгэлийн амар амгаланг хэр удаан эдлэх вэ гэдгийг бодож үзэх нь зүйтэй. Сэтгэлийн амар амгалангүй газар хүн удаан тогтдоггүй гэдэг. Тэгвэл хартай эхнэрүүдэд дараах зөвлөмжийг хүргэж байна.
Эмэгтэйчүүд бидний тархи яг булчин шиг. Хөгжүүлэхгүй бол зогсонги, хүчгүй байдалд орно. Бодлууд маань ямар үед хөгждөг вэ гэж үү? Ямар нэг сорилттой тулгарч, асуудлын шийдлийг эрж, логик дарааллаар нь байрлуулж, болж буй үйл явдлуудын учир шалтгааныг тайлах оролдлого хийх үед. Энэ нь заримдаа нөхрөө хардах суурь болдог.
Ихэвчлэн гэртээ хүүхдээ хараад сууж байгаа эсхүл ажлын ачаалал багатай эхнэрүүдэд нөхрөө хий хардах тохиодол гардаг. Өөрөөр хэлбэл, завтай байгаа тархинд элдэв дэмий зүйл бодогдох зай завсар их гардаг.
Хартай эхнэрт нөхрийн “Ажилдаа яваад ирлээ” гэдэг үг нь “Өөр эмэгтэйтэй уулзаж байгаад ирлээ” гэж орчуулан сонсох, утасных нь дуудлагыг шалгаххүсэл тасралтгүй төрөх, урьд нь үерхдэг бүсгүйчүүл нь одоо хаана юу хийж явааг шалтгаангүйгээр шалгаах, нөхрөө секс хийлгүй унтвал сэжиглэсэндээ дотоожийг нь шалгаж үзэх…
Харыг эмчлэхийн тулд ургуулан бодох чадвараа илүү хэрэгцээтэй зүйлд зарцуулаарай. Гэр бүлийнхээ дараагийн таван жилийн зорилгыг хамтран тодорхойлж түүнийгээ биелсэн байгаагаар төсөөл. Мөрөөдлөө бичдэг дэвтэртэй бол. Мөн өөртөө итгэх итгэлээ хурцлахын тулд “Надаас өөр эмэгтэй рүү яг харж харагдаач” гэсэн бардам бодол төрдөг болтлоо гадаад төрхөндөө анхаарал тавь. Гэхдээ энэ нь нөхрөө базах биш чам шиг сайхан бүсгүйд төрж боломгүй тийм сул дорой бодлуудаасаа өөрийгөө ангижруулахад л төвлөрөх ёстой шүү.
Мөн савангийн дуурьт автах нь киноны дүрүүдийг өөрийнхөө таньдаг хүмүүстэй жишин адилтгах, хэн нэгнээс өшөө авах юм уу, хүүхдийнхээ толгой руу алгадах, нөхрөө хардах сэдэл төрүүдэг болохыг сэтгэлзүйчид тогтоожээ. Тиймээс ”Өнөөдрөөс эхлэн савангийн дуурь үзэхгүй” гэж өөртөө амлалт өг. Тэгээд энэ “хорт зуршил”-аасаа болж өмнө яаж өөрчлөгдсөн тухайгаа жагсаан бич. Нэг их сүржигнэх гээд байгаа юм шиг санагдавч жижигхэн өөрчлөлт ч амлалтын дараа бий болдог шүү дээ. Хүн сонсож, харж байгаа зүйлээ амьдрал дээр өөрөө ч мэдэлгүй давтаж хийх гээд байдаг. Чиний амьдрал драма шиг таагүй адал явдлуудтай байвал яав ч сайхан биш.
Тиймээс зоригтой шийдвэр гаргаж, оройн цагаар хийдэг өөр зүйлтэй болоорой. Шинэ хобби, фитнесс, бүжгийн сургалт ямар сонсогдож байна.
