“Ану хатан” киноны гол дүрд тоглож, дуулахаас гадна жүжиглэх авьяастай гэдгээ батлан харуулсан “Voice” хамтлагийн дуучин Д.Отгонжаргал өдгөө чөлөөт уран бүтээлч гэгдэж яваа.
Өнгөрсөн хавар тэрээр “Миний ээж тэмээчин” дуугаа клипжүүлж сонсогчдодоо бэлэг барьсан нь сошиал ертөнцийг хэсэгтээ ярих зүйлтэй болгосон. Үзсэн нэг нь нулимс унагаж, сэтгэл зүрх нь шимшрэн ээжийгээ санагалзан буйгаа илэрхийлсээр байгаа нь ямархуу уран бүтээл болсныг нь илтгэж буй хэрэг биз ээ. Энэ бүтээлээ тэрбээр ээждээ, бас орчлонд ганц охиндоо зориулсан гэдгээ албан ёсоор зарласан.
Хэдийгээр охиноо ганцаараа өсгөж байгаа ч хамгийн ээж гэдгийг түүний ойр дотныхон нь хэлдэг. Түүний охин өдгөө 10 настай. Хаа ч явсан охиноо дагуулж явдаг дуучин бүсгүйн гэрэл зургийг сонирхуулъя.
