Цахим хэрэглэгчдийн дунд Шилэн Цогоо нэрээрээ танигдсан Б.Цогтгэрэл өмнөх Засгийн газрын үед Зам тээврийн яамны дэд сайдын албан тушаал хашиж, багагүй хэл дагуулсан. Д.Дагвадорж аварга хүртэл бухимдахад “Чи аваргаас станц би дижи-гээс Дэд сайд” хэмээн жиргэж, олон хүний эгдүүг хүргэсэн. Гэхдээ тэрбээр дэд сайдын суудалдаа удаан сууж чадаагүй юм. Засагтайгаа хамт “огцорсон” тэрбээр төд удалгүй Улаанбаатар төмөр зам хувь нийлүүлсэн нийгэмлэгийн ерөнхий хорооны орлогч даргаар томилогдсон. Гэвч Шилэн Цогоо өндөр албан тушаалаасаа ахиад л чөлөөлөгдсөн.
Улс төрийн амбиц нь явуургүй болсон тэрээр өөрийн цахим хуудаснаа “Хүн ер нь ганцаардсан үедээ л өвөг дээдсээ үгүйлэх юм” хэмээн бичжээ.
Харин түүний сэтгэгдлийн хариуд “Долоосон амьдрал ийм амттай, нам нь ялаад юу ч үгүй хоцорчихсон уу” гэх мэт егөөдөл үргэлжлэж байна.
