Балетьн урлаг нь хүмүүний сэтгэл хөдлөл, амьдралыг биеийн уян налархай хөдөлгөөнөөр хөг аялгуунд тааруулан харуулж, хүмүүст бие сэтгэлийн таашаал өгдөг тийм л урлаг. Тэр дундаас тэр л эрхэмсэг хөдөлгөөн, онцлог шинж, илэрхийлж буй арга техникээрээ хүнд хамгийн их сэтгэлийн таашаалыг өгдөг урлаг.
Сүүлийн хэдэн жилд балетаар олны танил бүсгүйчүүд хичээллэх болсны нэг нь загвар өмсөгч Ю.Балжидмаа, “Киви”-гийн Ц.Намуун нар. Тэд бие галбираа засахаас гадна цэгтэй хөдөлгөөн, өөртөө уян налархай байдлыг бий болгох гэж энэ бүжгээр хичээллэж эхэлсэн байна.
Балет нь хүний оюун ухаан болон сэтгэлзүйн эрүүл мэндэд эерэг нөлөөтэй. Brighton ballet theater сонгодог бүжгээр хичээллэх нь ямар нэгэн зүйлийг гүйцэтгэх болон өөрөөрөө бахархах мэдрэмжийг өдөөдөг бөгөөд энэ нь өөртөө итгэх итгэлтэй болгодог болохыг баталсан байна. Хүн хэцүү хөдөлгөөн, олон комбинациуудыг гүйцэтгэж сурах тусам улам өөртөө итгэлтэй болдог төдийгүй энэхүү итгэл нь өдөр тутамын амьдралд нь эерэгээр нөлөөлдөг. Хичээлийн дараа бүжгээр хичээллэх нь тайвшрах маш сайн арга бөгөөд илүүдэл энергийг зөв зарцуулахад тустай байдаг ажээ.
