Жүжигчин, мисс А.Баярцэцэг өөрийнхөө өөр төрхийг фенүүдээ сонирхуулжээ. Гэмт хэрэгтний дүр төрхийг чадварлаг гаргасан түүнийг танихгүй өнгөрөх шахсан гэдэгт итгэлтэй байна.
А.Баярцэцэгийн хувьд өдгөө европт жүжигчний карьераа үргэлжлүүлж яваа. Энэ оны эхэнд Өмнөд Солонгосын хөлбөмбөгийн шигээ багийн ахлагч, “Пример лиг”-ийн тоглогч Сон Хюн Минтэй хамт “Adidas” брэндийн сурталчилгааны нүүр царай болсон. Тэдний эхний сурталчилгааны зураг авалтыг Их Британид хийсэн гэдэг.
Жүжигчин, мисс А.Баярцэцэг нь “Miss World-2016” тэмцээнд эх орноо төлөөлөн амжилттай оролцон тусгай байрт шалгарч байсан билээ. Мөн “Марко Поло” цуврал, “Attrition” зэрэг гадны томоохон уран бүтээлд тоглож байсныг бид мэднэ. Түүнчлэн өнгөрсөн оны арваннэгдүгээр сард болсон Флоренцын “Олон улсын эмэгтэй кино уран бүтээлчдийн наадам”-аас “Хөх тавилан” киноны гол дүрээр шилдэг жүжигчний шагнал хүртсэн билээ.
