Монголын хөгжмийн ертөнцөд өөрийн дуу хоолой, өнгө төрхөөрөө гарч ирж буй үзэсгэлэнт бүсгүй бол Amra юм.
Түүний “Never” дуу залуучуудыг байлдан дагуулж Apple Music Top 100: Mongolia-г сүүлийн зургаан сарын турш тэргүүлсэн. Уг дуугаар нэрэсэн цомгоо 2020.06.22-ны өдөр дижитал хэлбэрээр хөгжмийн зах зээлүүдэд зарагдаж эхэлсэн.
Арлын Япон оронд магистрын зэргээ хамгаалан эх орондоо ирсэн түүний гаргасан дуу болгон хит болдог гэхэд хилсдэхгүй. Тэрээр 2020 онд өөрийн уран бүтээлрүү түлхүү анхаарч шинэ шинэ синглүүдээ ч хүргэх болсон.
Харин тэрээр Тайванийн томоохон лэйблтэй хамтарсан уран бүтээлээ 12/10-нд цацахаар болсноо Instagram хуудсаараа дамжуулан мэдэгдлээ. Тэрээр “Тайваны хамгийн том лэйбл болох Рок Рекордстой хамтарч хийсэн дуу маань 12.10-нд цацагдах нээ. Бидний мэдэхээр Жэки Чан залуудаа энэхүү лэйблийн уран бүтээлч нь явсан гэж байгаа. Цаад Амра чинь бас дэлхийд гарчих гээд л. Юмыг яаж мэдэхэв айн. Та бүхний хандалт маш их чухал шүү. Таалагдвал сайхан түгээцгээнэ биз ээ. Love you all” гэжээ.
Үзэсгэлэнт, авъяаслаг дуучин бүсгүйд дэлхийд гарах зорилгод нь амжилт хүсье.
