“MONROZE” брэндийн үүсгэн байгуулагч загвар өмсөгч С.Сарнай сүүлийн хэдэн өдрүүдэд нойргүйдэх болсон тухайгаа бичжээ. Тэрээр өөрийн цахим найзууддаа хандаж “АНУ-ын цагаар амьдраад байгаа юм уу, хаашаа юм.
Яг одоо унтаагүй хүн байвал групп чат үүсгээд чатлах уу” гэгчлэн үүрийн 04 цагт бичжээ. Түүний хувьд хөл хорионы үеэр зүгээр суусангүй “Аяс” нэртэй уран бүтээлээ гаргаж, брэндийнхээ шинэ загварыг гаргахаар төвлөрч эхэлсэн гэнэ лээ. Мөн хөл хорионы үеэр өөрийн брэнд туфльнүүддээ 40 хувийн хөнгөлөлт зарласан гэсэн.
С.Сарнай олон салбарт өөрийн хүчийг сорьж яваа залуу эмэгтэй. Мэргэжил нэгт залуутай гэр бүл зохиож хоёр хүүхдийн эцэг эх болсон.
Боловсрол суваг телевизийн бүтээл “Яг түүн шиг” шоунд оролцож чамгүй бүжигчин, дуучин гэдгээ батлаад авсан тэрээр “GUYS666” хамтлагийн Мийгаатай хамтран “Байна уу ээжээ” дуу гаргаж нэг хэсэг олныг шуугиулаад авсан.
