Хэдхэн хоногийн дараа шинэ он гарна. Үүнтэй холбогдуулан дуучин Наагий хөл хорионд байсан ч сонсогч фенүүдийнхээ дунд шинэ жилийн уур амьсгал оруулахын тулд өөрийнхөө дуулсан “Хүслийн шинэ жил” дууг хэн сайн дуулах аян зарлажээ.
Уг аянд дуучин Ука, Чойжоо, Хишигдалай нар нэгдэж, дээрх дууг дуулжээ. Тэд дуулсныхаа дараа өөрийнхөө сайн дуулж чадна гэсэн дуучдаа урьж байгаа аж.
Дуучин Наагий хэвлэлд өгсөн нэгэн ярилцлагадаа “ Миний хувьд олон жилийн настай уран бүтээл туурвиж, хүмүүсийг уяраахыг хүсдэг. Бидний сонсох дуртай 1960, 1970-аад оны барууны сайхан дуунууд бий. Энэ дуунууд бидэндтэй ямар олон жил хамт “амьдарч”, хүн төрөлхтөнийг хэчнээн цаг хугацаа туулан хөглөж байна вэ. Би тийм луран бүтээл хийхийг эрмэлздэг. Тэрнээс бол арилжааны дуу дуулах нь надад сонин биш. Зүрх сэтгэлээсээ өөрийн гэсэн мөн чанарыг гаргаж буй уран бүтээл цөөн сонсогчтой байсан ч гэсэн маш үнэ цэнэтэй байдаг” гэжээ.
