Хошин урлагийн Х-Түц хамтлагаас тодрон гарч ирсэн чамин “сувд”-ын нэг бол жүжигчин З.Онон.
Налайх дүүргийн унаган охин тэрээр СУИС-иа төгсөөд удаагүй байхдаа МҮОНРТ-д мэдээний нэвтрүүлэгч буюу диктер болохоор бэлдэж байжээ. Гэвч Х-ТҮЦ хамтлагаас ажлын санал ирсэн учраас мэргэжлийн ажлаа хийхээр зориг шулуудан өнөөдрийн Ононг бүтээсэн байна. Хэрэв тэрээр МҮОНРТ-д үлдсэн бол өдгөө Д.Одзаяагийн оронд ч байх байсан юм билүү, хэн мэдлээ. З.Онон багаасаа холбооны мэргэжилтэй болохыг мөрөөддөг байсан ч, гэнэт л урлагийн салбар луу үзэл бодол нь “урваж”, жүжигчний мэргэжлийг эзэмшсэн байна.
Жүжигчин бүсгүйн хувьд ээжийнхээ бага залуу насанд төрсөн бөгөөд олон жилийн дараа дүү дагуулсан нь Номин дүү нь гэнэ лээ. Тэд эхээсээ хоёулаа.
