Мөрөөдлийн театрын эзэн, эзэгтэй нар болох жүжигчин Г.Эрхэмбаяр, Намуун нар шинэ хүнээ өлгийдөөд хэдхэн сарын нүүр үзэж буй. Одоогийн амьдралдаа урьд өмнөхөөсөө илүү жаргалтай байгаа хэмээн ярьдаг тэд хүүхдийнхээ зургийг анх удаа дэлгэв.
Отгон хүү нь Г.Эрхэмбаярын 5 дахь, Намууны 3 дахь хүүхэд юм. Г.Эрхэмбаяр анхны эхнэрээсээ дөрвөн хүүхэдтэй салсан бөгөөд том охин, дунд охин хоёроо өөр дээрээ авсан. Гэвч том охин Намуунаатай харилцаа тааламжгүйн улмаас ээж дээрээ очсон. Г.Эрхэмбаярыг анхны амьдралдаа цэг тавих үед бага хүү нь нэг ой ч хүрээгүй байсан гэдэг.
Харин Намуун анхны нөхрөөсөө хүү охинтой хоцорсон. Тэд өдгөө төрсөн ааваасаа илүү Г.Эрхэмбаярыг “Ааваа” хэмээн хүндэлж дууддаг гэнэ лээ.
Ямартаа ч, салж нийлсэн амьдралд гэрэл гэгээ нэмж, баяр хөөр авчирсан бяцхан үрд нь эрүүл энхийг ерөөе.
