ЭМЯ-ны өнөөдрийн ээлжит хэвлэлийн хурлын үеэр “Еruul.gerege.mn систем ажиллахгүй болсонтой холбоотойгоор өнөөдөр эдгэрсэн болон эмнэлэгт хэвтэн эмчлүүлж байгаа хүмүүсийн тоог мэдээлэх боломжгүй болсон хэмээн тус яамны хэвлэлийн төлөөлөгч хэллээ.
Тэгвэл уг систем ажиллахгүй болсон нь Eruul.gerege.mn системийн ашиглалтын төлбөрийг ОБЕГ-аас төлөөгүйн улмаас Эрүүл.МН системийн үйл ажиллагааг зогсоожээ.
Уг нь Онцгой байдлын ерөнхий газар сар бүр систем ашиглалтын төлбөрөө төлөх ёстой боловч гэрээ байгуулсан цагаас хойш нэг л удаа төлбөрөө төлж, дөрөв, тавдугаар сарын төлбөрийг өнөөдрийг хүртэл төлөлгүй 55 хоног хэтрүүлсэн байна. Иймд өнөөдрөөс буюу 2021 оны 7-р сарын 1-нээс уг системийг зогсоож буйгаа мэдэгджээ.
Тус системийн үйл ажиллагаа зогссонтой холбоотойгоор шинжилгээний цэгүүд ажиллахгүй, шинжилгээ өгөхөөр очсон иргэдийг буцааж байна гэх мэдээллийг иргэд өгч байна.
