Монголын урлагийн ертөнцөд оюутан байхаасаа тодрон гялалзсан “од” бол жүжигчин А.Ганчимэг. Оюутан байхдаа хэд хэдэн бүтээлд тоглож байсан тэрээр УЭДТ хэмээх их айлд багагүй хугацааг үдсэн.
Улмаар “хуурай эгч” МУГЖ У.Уранчимэгийн хүсэлтээр Хувьсал продакшинд орсноор түүний амьдралд тодорхой өөрчлөлт гарсан гэхэд болно.
Өдгөө “Аримун” продакшин байгуулсан тэрээр урлаг гэхээсээ илүү гоо сайхны талбарт хүч үзэж байна. Өөрийн үүсгэн байгуулсан гоо сайхны салон, арьс гоо заслын эмнэлэг дээрээ өдийг өнгөрүүлдэг болсон тэрээр “Гоо сайхан ертөнцийг аврахгүй ч бас аварна” гэсэн уриатай болжээ.
