Жил бүр “Нийслэл хотын шилдэг гэр бүлийг алдаршуулах” арга хэмжээг хүмүүнлэг, оюунлаг, бүтээлч, спортлог, өв соёлоо түгээн дэлгэрүүлэгч таван номинацаар 11 гэр бүлийг алдаршуулдаг. Ёслол, хүндэтгэлийн арга хэмжээ өнөөдөр /2021.10.27/ Хангарди ордонд боллоо.
Хүмүүнлэг номинацид Хан-Уул дүүргийн 11-р хорооны иргэн Г.Банзрагч түүний гэргий “Сайхан бүсгүй” группийн админ Б.Дэлгэрмаагийн гэр бүл тодорлоо. Г.Банзрагчийн гэр бүл ам бүл дөрвүүлээ /хоёр хүүхдийн хамт/ амьдардаг. Б.Дэлгэрмаа нь Турк улсын Анкарагийн их сургуульд олон улсын харилцааны мэргэжлээр төгссөн бөгөөд Дэлгэр интернэшнл ХХК-ийг удирддаг. “Facebook” дэх “Сайхан бүсгүй” группийнхээ хүрээнд сард дунджаар 8-12 төрлийн танхимын болон онлайн сургалтыг 2017 оноос хойш 2500 орчим бүсгүйчүүдэд сэтгэлзүй, гэр бүлийн харилцаа, хандлага, оёдол, үсчин, хэлний сургалт, маркетинг, менежмент зэрэг олон чиглэлээр хүргэжээ. Түүнчлэн цэцэрлэг тохижуулах, эмнэлэгт шарлагын аппарат бэлэглэх, өрх толгойлсон эхчүүдэд гэр өгөх зэрэг олон сайн үйлсийг зохион байгуулсан аж.
Томоохон ажлаас сонирхуулбал, ХУД-ийн 73-р цэцэрлэг, БЗД-ийн 251-р цэцэрлэг, СХД-ийн 176-р цэцэрлэг тус бүрийн өрөгтгөлийн тохижуулах ажлуудыг санаачлан хийж байсан. Одоогоор 21 аймгийн нярайн шарлагын аппаратын тоог нэмэгдүүлэх ажлыг эхлүүлээд 12 дах аппаратаа арваад хоногийн өмнө Дорнод аймагт хүлээлгэж өгсөн.
