Ааль, авьяас хоёроороо “цойлдог” хийлч бүсгүй

Сонгодог урлагийг рок поп хоёртой уялдуулж, “солиотой” хөгжмүүдийг эгшиглүүлж яваа бүсгүй бол хийлч Дээгий. Хэзээнээс өөрийнхөөрөө эрх дураараа, эрхэмсэг гоо үзэсгэлэнг өөрөөрөө тодруулж явдаг тэрбээр туйлын аальгүй нэгэн. Сээтгэнэх урлагийг мэргэжлийн түвшинд эзэмшсэн тэрбээр ямар ч залуугийн сэтгэлийн утсыг хөндөж чаддаг гэдгээрээ алдартай. Үүнээсээ ч тэрбээр ичдэггүй, бас эмээдэггүй
Авьяасынхаа ачаар АНУ-д мэргэжил дээшлүүлэн улмаар ганц хүүгийнхээ аав, хоёр дахь амьдралынхаа эздийг ч гадаад залуусаас сонгож явсан удаатай. Харин өдгөө өөрийнхөө хүслээр өөрөөсөө 10 гаруй насаар дүү халх монгол залуутай амраглаж яваагаа ч нуудаггүй.
Түүнд гоо үзэсгэлэн, бүсгүй ааль, хээнцэр ганган төрх, эршүүд ч юм шиг энхрий ялдам ааш бүгд бий.