Урлагийн ертөнцөөс төрсөн олны танил гэр бүл цөөнгүй. Тэдний нэг бол дуучин Г.Ариунбаатар, жүжигчин Б.Баярмаа нар. Хэн хэн нь урьд нь амьдралтай, урьдын амьдралаасаа төрсөн хүүхдүүдтэй байсан.
Гэвч тэдний хэн хэн нь ханийн хайр халамжаар дутдаг байсныг ойр дотныхон нь хэлдэг. Дуучин Г.Ариунбаатарын хувьд Туяа гэх чинээлэг айлын охинтой дэр нэгтгэж хүү төрүүлсэн ч, өөрийнх нь уран бүтээлийг ойлгохгүй, хардах сэрдэх асуудлаас болж эхнэр нь шүүх цагдаад нөхрөө өгч байсныг уншигч та бүхэн санаж буй байх. 
Харин жүжигчин Б.Баярмаагийн хувьд оюутан байхдаа анхны амьдралаа зохиож гурван охин төрүүлсэн. Гэвч нөхөр нь хар тамхи, мөрийтэй тоглоомд орж хэд хэдэн удаа “аав”-ын хаалга татснаар жүжигчин бүсгүйг багагүй зовоож явсныг ойр дотныхон нь гэрчилдэг.
Харин дуучин залуу, жүжигчин бүсгүй хоёр 2015 онд нэг нэгэндээ дурлаж, хайр сэтгэлийн холбоотой болсноор хэн хэн нь анхны амьдралдаа цэг тавьж, шинээр амьдралаа эхлүүлсэн. Тэд олны нүднээс нуугдаж 3-4 жилийг ОХУ-д өнгөрүүлсэн. Энэ хугацаанд жүжигчин бүсгүй хоёр хүү дахин төрүүлсэн бол дуучин залуу дуурийн оргилд хүрсэн гэхэд болно.
