Үлэг гүрвэлийн музейд тэрбумын хөрөнгө босгож явсан захирал асан Н.Жавзмаа энд явна

Үлэг гүрвэлийн төв музейг Засгийн газрын 281 дүгээр тогтоолоор буулгаж, Байгалийн түүхийн музейтэй нэгтгэсэн билээ. Тэгвэл хуучин үлэг гүрвэлийн төв музейн захирал асан Н.Жавзмааг манай сайтын папараци дурандаа буулгажээ.
Короновирусын хөл хорионоос өмнө түүний хариуцаж байсан музей татан буугдсан ч захирал асан бүсгүй амьтан судлалын ажлаа орхиогүй байгаа гэнэ лээ. Тэрбээр тарвага хүнээс зугтааж өндөрт амьдрах болсон гэж ярих дуртай. Н.Жавзмаа бүсгүйн хувьд Болгар улсад аялал жуулчлал, газарзүйн мэргэжлээр төгссөн. Тэнд сурч байхдаа хоёр жил гаруйн хугацаанд палеонтологи амьтан судлаач мэргэжлийг давхар эзэмшсэн нэгэн билээ.
Сонирхуулахад,түүнийг Үлэг гүрвэлийн төв музейн захирал болох үед музей нь өөрийн гэсэн байргүй, ганцхан батаартай, үзмэр гэх зүйлгүй байсан гэдэг. Харин тэрбээр тус музейн дарга болсноос хойш өөрийн байртай, тэрбум гаруй төгрөгийн хөрөнгөтэй болгож байсан гавьяатай нэгэн. Үлэг гүрвэлийн музей татан буугдаагүй байхдаа 1000 гаруй үзмэр палеонтологийн олдвор дээжийг хадгалдаг байснаас зөвхөн 40 ширхэгийг нь олон нийтэд дэлгэсэн гэдэг. Тэдгээр 40 ш үзмэр нь 1000 метр талбайг дүүргэж байжээ.