Нийтийн дууны ертөнцөд өөрийн гэсэн байр суурийг эзэлсэн гэгддэг дуучид өөрийн гэсэн дэлгүүртэй болох нь болж, бусдын дэлгүүрийг рекламдах нь рекламдаж дуу хуурыг нь тухлан сонсдог сонсогчиддоо “бараа шахдаг” болсон гэхэд хилсдэхгүй.
Энэ л зам гэх үү, жам гэх үү түүгээр яваагүй дуучин тун ховор. Гэр бүлийн хос дуучдын төлөөлөл нь Э.Төрмандах, О.Гансувд нар. Уран бүтээлээсээ түр завсарлага авсан гэлтэй тэд нам гүмхэн бий. Тэгвэл дуучин О.Гансувд өдөр бүр сошиал орчинд лайв хийж бараа бүтээгдэхүүн танилцуулах болсон. Харин сонсогч дэмжигчид нь түүний үсний шинэ стиллийг ихэд гайхан хүлээн авав. Уран бүтээлээ хийхдээ нэг өөр, арилжаа наймаа үсэргэхдээ нэг өөр үсний стиллтэй байх гэж бодсон ч юм билүү хэн мэдэхэв.
