Монголын 3х3 сагсан бөмбөгийн үндэсний шигшээ багийн ерөнхий дасгалжуулагч С.Тулга “Гавъяат дасгалжуулагч цол”-оор шагнуулахаар болжээ. Тэрээр 39 настай хамгийн залуу гавъяат дасгалжуулагч болж буй гэнэ.
Түүний спортын амжилтуудаас хүргэж байна.
МУ-ын Гавьяат Дасгалжуулагч цолоор шагнагдах болсон Дасгалжуулагч С. Тулга эх орондоо 8 алт буюу Тивийн болон Дэлхийн Аварга цолыг 8 удаа эх орондоо авчиржээ.
Үүн дээр багийн спортоор анх удаа Монгол Улс Олимпийн наадамд оролцох эрх авсан нь нэмэгдэнэ.
Нийт тив, дэлхийн 27 медаль авчээ.
Дасгалжуулагч С. Тулгын амжилтуудыг тоон дүнгээр нэгтгэж онцлох амжилтуудыг дурьдвал:
FIBA 3×3 Дэлхийн гранпри хүрэл медаль х 6 хүрэл медаль (Мэргэжлийн 2 багаа медальд хүргэсэн)
FIBA 3×3 Дэлхийн гранпри алт x 1 алтан медаль
FIBA 3×3 мэргэжлийн тэмцээнд түрүүлсэн Ази тивийн багуудын анхны бөгөөд цорын ганц алтан медаль
FIBA 3×3 Дэлхийн их дуулга х 2 хүрэл медаль
FIBA 3×3 Насанд хүрэгчдийн Ази тивийн аварга х 1 алт, 2 мөнгө.
Монгол Улсын багийн спортын анхны тивийн аваргын алтан медаль. 3 жил дарааллан Финалдсан анхны баг, Финалд Австрали, Шинэ Зеланд улсуудтай л өрсөлдсөн.
Азийн Олимпийн зөвлөлийн Вьетнамын Дананы Азийн Элсний наадам х 1 мөнгө
Азийн Олимпийн зөвлөлийн Ашгабатын Азийн танхимын наадам х 1 хүрэл
Олон Улсын Олимпийн хороодын Катарын Дохагийн Дэлхийн Анхдугаар Элсний наадам х 1 хүрэл
97 улс оролцсон Дэлхийн Элсний анхдугаар наадамд Монгол Улс зөвхөн сагсан бөмбөгийн 3х3 төрлөөр эрхээ авч өрсөлдөн медальд хүрсэн.
FIBA 3×3 U18 Азийн аварга х 1 хүрэл
FIBA 3×3 Азийн клубүүдийн аварга x 1 алт, 1 хүрэл
FIBA 3×3 Азийн клубүүдийн аварга x 1 мөнгө (эмэгтэй)
FISU 3×3 Азийн Оюутны аварга x 2 алт, 1 мөнгө, 1 хүрэл
FISU 3×3 Дэлхийн Оюутны аварга х 1 алт, 1 мөнгө
FIBA 3×3 Дэлхийн аварга шалгаруулах тэмцээн 8 байр, 13 байр
Монгол Улсын Олимпийн төрлийн багийн спортоор анх удаа 2018 онд Дэлхийн аварга шалгаруулах тэмцээнд өрсөлдөж шилдэг 8-д шалгарсан. Шилдэг 8-д Ази тивийн багуудаас шалгарсан цор ганц баг байсан.
2019 онд эрэгтэй, эмэгтэй бүтэн шигшээ багаараа Дэлхийн аварга шалгаруулах тэмцээнд Монгол Улс анх удаа өрсөлдсөн.
FIBA 3×3 U23 Дэлхийн аварга шалгаруулах тэмцээн
Эмэгтэй баг ХБНГУ-ыг нэмэлт цагт баззердан хожиж шилдэг 8-д шалгарах эрхээ авсан.
FIBA 3×3 U18 Дэлхийн аварга шалгаруулах тэмцээн 7 байр
2018 Буэнос Аэросын Залуучуудын Олимпод эрэгтэй баг эрхээ авч өрсөлдсөн.
2020 FIBA U17 Ур чадварын анхдугаар Дэлхийн аваргын алтан медаль
5х5 төрлөөр:
2013 Казаний Дэлхийн Универсиад их наадам- Япон, Филиппинийг хожиж 16 байр
2015 БНСУ-ын Гванжугийн Дэлхийн Универсиад их наадам- Швейцарь, Мозамбек, Чили улсуудыг хожиж 17 байр
2016 Азийн Оюутны аварга шалгаруулах тэмцээн-алтан медаль
Токио 2021 Олимпийн наадмын эрхийг багийн спортоор анх удаа Монгол Улс авсан амжилт нэмэгдэнэ.
Монголын спортын түүхэн дэх хамгийн залуудаа Монгол Улсын гавьяат дасгалжуулагч цол хүртсэн хүн болно.
Зөвхөн тивийн болон Дэлхийн тэмцээнээс:
Алтан медаль-8
Мөнгөн медаль-6
Хүрэл медаль-13 тус тус эх орондоо авчиржээ. Нийт тив, дэлхийн 27 медаль!
Эдгээр амжилтыг зөвхөн нэг багаараа бус U18, U23, насанд хүрэгчдийн эрэгтэй, эмэгтэй шигшээ багуудаа удирдан үзүүлсэн болно.
